• Iniciativa pol Asturianu participa nuna mesa redonda sobre'l futuru del asturianu na Universidá

    Espublizao 10/05/12

    El llunes 14 de mayu, a les seis de la tarde, na Facultá de Formación del Profesoráu y Educación de la Universidá d'Uviéu, el Conseyu d'Estudiantes de la Universidá d'Uviéu axunta nuna mesa redonda titulada "Llingua asturiana na Universidá d'Uviéu: ¿Y agora, qué?", na que va participar Inaciu Galán, presidente d'Iniciativa pol Asturianu, xunto a representantes d'otres organizaciones. Na mesa va reflexonase sobre la situación presente del idioma na institución académica -tanto del puntu de vista del so usu como del so estudiu-, arriendes de les posibilidaes y estraxes futures nel camín pa la so normalización.

  • Radio Sele entrevista a Iniciativa pol Asturianu

    Espublizao 13/05/12

    El programa "Nueches de radio", de la emisora Radio Sele entrevistó'l pasáu 3 d'abril a Inaciu Galán, presidente d'Iniciativa pol Asturianu. Na entrevista falóse de la creación de la organización y los primeros meses d'actividá.

  • Iniciativa pol Asturianu llamenta la muerte de Sergio Marqués

    Espublizao 08/05/12

    La dirección d'Iniciativa pol Asturianu quier espresar el so sofitu a la familia, compañeros y amigos de Sergio Marqués, ex Presidente d'Asturies, recordando'l so compromisu cola llingua asturiana, que lu llevó a convertise nel únicu presidente qu'aprobó una Llei d'Usu del Asturianu nos más de trenta años d'autonomía asturiana.

  • Iniciativa pol Asturianu participó nuna clas d'asturianu na cai n'Avilés

    Espublizao 03/05/12

    Esta selmana tamos en plena celebración de la Selmana de les Lletres Asturianes y taremos presentes en dellos actos con materiales nuevos pa siguir trabayando por llegar a la xente col nuesu mensaxe. El xueves 3, n'Avilés, convidaos a una clas d'asturianu na cai por Compromisu por Avilés, dellos miembros de la organización tuvieron na Plaza'l Parche dando a conocer la organización a los participantes nel actu y a la xente que taba pela plaza avilesina.

  • Iniciativa pol Asturianu fai un llamáu a la sociedá p’acudir a la Manifestación pola Oficialidá

    Espublizao 02/05/12

    La organización Iniciativa pol Asturianu va participar esti vienres 4 de mayu na Manifestación pola Oficialidá, n’Uviéu. Esti actu reivindicativu que se celebra coincidiendo col Día de les Lletres Asturianes, convócalu dende va décades la Xunta pola Defensa de la Llingua Asturiana. Iniciativa pol Asturianu quier facer un llamáu a la sociedá pa participar nesta reivindicación, perimportante pal futuru d’Asturies y de la so cultura.

  • Sorteóse un llote de llibros ente los socios

    Espublizao 30/04/12

    Coinciendo col entamu de la Selmana de les Lletres Asturianes, sorteóse un llote de 10 llibros y revistes n'asturianu ente los nuesos socios. El ganador resultó ser Daniel Pérez Villaro, d'Uviéu.

Vídeu destacáu

Iniciativa pol Asturianu nes cais d'Asturies

Iniciativa pol Asturianu ye una asociación que trabaya pola normalización del idioma asturianu y pol reconocimientu de los drechos llingüísticos de los sos falantes. Esti vídiu, estrenáu na so presentación pública, quier amosar que toos tenemos que tomar la iniciativa pol asturianu, que salvaguardar el so futuru ye cosa de tola sociedá. ¡Toma la inciativa! Fáite sociu en www.iniciativapolasturianu.org

Facebook

Twitter