La primer entrega podrá vese de magar esti martes 7

Iniciativa pol Asturianu, en collaboración colos medios InfoAsturies y Conocer Asturias estrenen esti martes el primer programa de televisión "Alderiques d'Asturies" nel que nesta ocasión va falase de la situación del asturianu na rede con cuatro convidaos, Vítor Suárez, vicepresidente d'Iniciativa pol Asturianu, Fernando de la Fuente Trabanco, direutor d'Asturies.com, Mikel González, de la organización SoftAstur de software llibre n'asturianu, y Toño Martínez d'InfoAsturies.net


"Alderiques d'Asturies" ye un nuevu programa de televisión que ñaz col envís de poner enriba la mesa un asuntu del que charraremos fonderamente con diferentes convidaos, col oxetivu sentir estremaes opiniones al rodiu'l mesmu y buscando da-y una mayor presencia al asturianu nel ámbitu de la televisión.

 

Esti proyeutu audiovisual ye posible gracies al trabayu a comuña de l'asociación Iniciativa pol Asturianu (http://iniciativapolasturianu.org/) y a los medios dixitales InfoAsturies.net (http://www.infoasturies.net/) y ConocerAsturias.es (http://www.conocerasturias.es/), baxo la presentación de Samuel Gradín, presentador d’Iniciativa pol Asturianu nes ondes.

 

El programa tien Twitter: @AlderiquesdAst, Facebook: https://www.facebook.com/alderiquesdasturies y un corréu de contautu: alderiquesdasturies@gmail.com