L’autor de “La casa de Xuan Buelga” y “Biografíes” tará presente a partir de les 18:00 hores pa firmar llibros a los llectores.
Otros escritores como Xuan Xosé Sánchez Vicente, Berta Piñán, Marta Mori, Dolfo Camilo Díaz y Elvira Laruelo tamién firmarán les sos obres.
L’escritor sotrondianu Gonzalo G. Barreñada firmará los sos llibros esta tarde nel stand d’Iniciativa Pol Asturianu na Feria de Muestres. L’autor de “La casa de Xuan Buelga” y el poemariu “Biografíes” ye’l primer escritor tará nel stand de magar a les 18:00 hores.
Nel stand d’Inicitiva pol Asturianu la lliteratura tien una presencia importante y cuenta cola participación de dos editoriales que publiquen n’asturianu como Ediciones Trabe y Ediciones Saltadera.
Otros escritores que tamién tarán presentes son Xuan Xosé Sánchez Vicente (miércoles 8) que firmará “Propia xera”, Berta Piñán (xueves 9) con “Trozoz/Cachos”, Marta Mori (sábadu 11) , Dolfo Camilo Díaz (miércoles 15) con “L’arume” y Elvira Laruelo (xueves 16) que roblará “Pago en versos”. Toles visites de los autores tan programaes a les 18:00 hores.
Les obres lliteraries que se van firman pueden mercase nel stand d’Iniciativa pol Asturianu que s’asitia nel Pabellón 3 (Palaciu de Congresos). L’horariu ye de 11:00 a 14:30 hores y de 16:30 a 22:00 hores.
