Informes d’Iniciativa

Iniciativa pol Asturianu tien en marcha una colección d’informes alredor d’estremaes cuestiones venceyaes a la situación de la llingua asturiana y a les sos posibles soluciones. L’oxetivu d’estos informes ye facer propuestes de cambiu a situaciones onde l’asturianu nun tien presencia o, si la tien, ye de forma incorrecta. Hasta’l momentu asoleyamos los informes que van darréu:

Informe 1: Definir el términu “asturianu” con xeitu (ast/cast/en)

Nesti informe recuéyese la propuesta d’Iniciativa pol Asturianu pa modificar les defniciones de “bable” y “asturiano” del Diccionario de la Real Academia Española, onde la llingua asturiana apaez definida como dialectu. Esti informe presentóse nel llar de la RAE en Madrid, na primavera de 2012, y cuntó col sofitu de profesores de diez universidaes del mundu enteru.

Informe 2: Definer el terme “asturià” correctament (cat)

Nesti informe faise una propuesta pa modificar les defniciones de “bable” y “asturià” del Diccionari del Institut d’Estudis Catalans, onde la llingua asturiana apaez definida de forma incorrecta. Esti informe presentóse nel llar de la Secciò de Filòlogia del IEC, en Barcelona, n’ochobre de 2012 y cuntó col sofitu de profesores de diez universidaes del mundu enteru.

Definer el terme “asturià” correctament (cat) 1.5 Mb (.pdf)

Share This