Iniciativa pol Asturianu ta asesorando en cuestiones llingüístiques y va ayudar nel correctu etiquetaxe n'asturianu del proyectu Asturcilla, col que se pue collaborar agora nun proyectu de financiamientu collaborativu que ta abiertu na rede.
Asturcilla ye una crema de cacáu y ablana ecolóxico. Asturcilla faese con ablanes de la redolada y ta promoviendo que nun se dexen de recoyer les ablanes, tan tradicionales na economía asturiana, y que se sigan llantando ablanares. Ello ye que yá tán participando, xunto con un centru de desendolcu rural, nun proyeutu de desenvolvimientu comuñal que trabaya pola recuperación del ablanal.