El día 26 d'avientu va conocese'l ganador de caúna de les trés estayes de los Premios Timón. Estos gallardones entrégalos l’Asociación Cultural L’Arribada. Ente los nominaos al IV Premiu Timón de Cultura Asturiana, destináu a “asociaciones, sociedaes, fundaciones ya instituciones con sede n’Asturies que tengan como fin la conservación y promoción de la identidá cultural de nueso, y a persones con una trayeutoria valoratible nesi ámbitu” tán Ramón d'Andrés, la Wikipedia n'asturianu ya Iniciativa pol Asturianu.

Dende la organización nun podemos más que felicitar a los demás nominaos y agradecer esta nominación que ye yá pa nós un reconocimientu, non solo al nuesu llabor, sinón al de tol movimientu de reivindicación llingüística. 

El Premiu Timón de Cultura Asturiana recibiéronlu n'anteriores ediciones l’Asociación Cultural Ensame Sidreru (2013), la Xunta pola Defensa de la Llingua Asturiana (2014) y l’Asociación pola Recuperación de Sidros y Comedies “El Cencerru” (2015).