“Ye una perbona noticia y una oportunidá pa que la presencia del idioma tenga más pesu nes empreses municipales de Xixón”

“Sería interesante que les comunicaciones en redes sociales de la empresa de transporte tean en billingüe, yá que-y daría visibilidá a la llingua asturiana y nun supondría nengún costu”

Inaciu Galán, presidente d’Iniciativa Pol Asturianu, fixo unes declaraciones al términu de la presentación de los nuevos autobuses de la empresa EMTUSA de Xixón nes que dixo que “Iniciativa pol Asturianu felicita a EMTUSA pol usu y presencia del asturianu nos nuevos autobuses. Creemos que ye una bona noticia la presencia del asturianu nos rótulos de los nuevos transportes de la empresa”.

Galán comentó tamién que “esta ye una manera de tener presente el nuesu idioma que camentamos que se tien que mantener pal futuru a la hora de mercar nuevos coches pa la empresa o cualquier tipu de campaña. Sería interesante que les comunicaciones en redes sociales de la empresa de transporte tean en billingüe, yá que-y daría visibilidá a la llingua asturiana y nun supondría nengún costu”.

El presidente d’Iniciativa Pol Asturianu terminó diciendo que “la presencia del asturianu nesta empresa municipal ye una perbona noticia y una oportunidá pa que la presencia del idioma tenga más pesu nos entes públicos de Xixón pola difusión que pueden facer del idioma”.

Siente equí les declaraciones d’Inaciu Galán, presidente d’Iniciativa pol Asturianu.

Faite sociu

Sofita la to llingua, dende solo 20€ pues collaborar con Iniciativa pol Asturianu

You have Successfully Subscribed!

Share This