Tres conocer la noticia de la muerte del músicu Elías García, dende Iniciativa pol Asturianu queremos amosar el nuesu pesar pola so partida y la reconocencia pol so compromisu col idioma y la cultura d’Asturies en tolos proyectos musicales nos que participó.

Elías García collaboró con cásique tolos grupos y artistes de la escena folk asturiana, ente los que tán dellos de los grupos más importantes de la hestoria recién, como Llan de Cubel, Felpeyu o Tuenda, ente otros.

Elías yera profesor na Escuela de Música y Danza Popular de Noreña y yá dende los años noventa ye una referencia col vigulín y dempués introduciendo la guitarra col sestema abiertu pal folk y sobre manera, el bouzoki.