Iniciativa pol Asturianu quier güei acompañar a la familia y amigos d’Isaac del Rivero, dibuxante, guionista y editor que tuvo un importante papel na difusión del cómic n’asturianu, cola dirección de les distintes etapes de la revista de cómics n’asturiamnu El Gomeru, que fundó en 1992.

El que tamién fuera fundador del Festival de Cine de Xixón, entós dedicáu al cine pa la reciella y la mocedá, tien parte de la so obra asoleyada n’asturianu, con obres como Xovellanos o Doña Berta. Con esta última, adaptación n’asturianu de la obra de Clarín, fíxose en 2011 col Premiu Alfonso Iglesias de cómic en llingua asturiana, otorgáu pol Gobiernu d’Asturies.

Inaciu Galán, presidente d’Iniciativa pol Asturianu, quixo destacar “el gran llabor de normalización del asturianu nel campu del cómic que fixo a lo llargo de la so vida, y sobre manera dende qu’en 1992 fundare la revista El Gomeru, qu’impulsó y volvió a recuperar va unos años nuna nueva etapa”. “Déxanos una bona persona y un artista comprometíu cola llingua asturiana, al que dende Iniciativa pol Asturianu nun podemos más que recordar con apreciu y almiración”.

Faite sociu

Sofita la to llingua, dende solo 20€ pues collaborar con Iniciativa pol Asturianu

You have Successfully Subscribed!

Share This