Esta selmana n'Iniciativa pol Asturianu nes ondes vamos ufiertar trés conteníos. Entamamos pol Editorial del Presidente d'Iniciativa pol Asturianu, Inaciu Galán, que mos fala del consensu necesariu de les fuercies polítiques asturianes pa que la oficialidá del nuesu idioma tea nes sos axendes.
 
Francisco José Faraldo foi'l Direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983). Amás tamién tien otra afición como ye la d’escribir llibros. Nesta charra va desplicanos cómo foi el procesu alministrativu pal entamu col asturianu nes escueles y los pilancos qu'atoparon nesi camín.
 
Pa rematar, na nuesa seición #TvnaRadio, el nuesu collaborador el peridista Damián Barreiro va afondar nos nomaos Documentales Falsos o "fakes" na so versión inglesa que tuvieron y tienen abonda sonadía anguaño.

Sentir programa completu