El pasáu vienres 30 de mayu celebróse nel salón d'actos del Centru Valey de Piedrasblancas, en Castrillón, una edición nueva del festival poéticu "Pallabra nel mundu" nel que collabora Iniciativa pol Asturianu per segundu añu consecutivu. Esti ye un festival que se celebra al mesmu tiempu en numberoses ciudaes del mundu y que tien a la paz como lema d'esti añu.
L'eventu tuvo por llingua vehicular l'asturianu y cuntó con poetes que recitaron n'asturianu, amás de n'otres llingües.
L'asturianu foi amás la llingua d'intervención de la conceyala de Cultura, María Esther García López, asina como del presentador, Inaciu Galán, amás de tar presente nos folletos informativos y tola imaxe corporativa del festival, que se celebra alredor del mundu enteru y al que se sumen ciudaes en 56 países dende va cuasi una década.
