Esti 7 d’avientu pasáu, la sede de l’Academia de la Llingua Asturiana (ALLA) na cai de l’Águila, n’Uviéu, celebróse un conceyu ente representantes d’Iniciativa pol Asturianu y la Presidenta d’esta institución Ana María González Cano, col envís de presentar la organización a la institución.
L’alcuentru incluyó una visita a la sede nueva de l’Academia, pa darréu esplicar los oxetivos de la organización, que fueron recibíos de forma positiva pola Presidenta.
Dambes organizaciones abrieron con esti alcuentru pontes de comunicación y futura collaboración. Los representantes d’Iniciativa pol Asturianu convidaron de forma oficial a la institución al actu de presentación de l’asociación.
El conceyu encuádrase dientro de la rolda d’alcuentros que miembros d’Iniciativa pol Asturianu vienen faciendo dende va delles selmanes con instituciones, colectivos y persones venceyaes al movimientu de reivindicación llingüística asturianu.
