La propuesta presentada por Iniciativa pol Asturianu cuntó col sofitu de la mayoría de les asociaciones presentes nel alcuentru asociativu

Iniciativa pol Asturianu presentó esta selmana n’asamblea executiva una propuesta de resolución a favor de la oficialidá de la llingua asturiana. Esta proposición cuntó col sofitu de la mayoría de les asociaciones ellí representaes.

Diego Solís, vocal de la Xunta Direutiva d’Iniciativa pol Asturianu, foi l’encargáu de defender la propuesta y dixo que “ esta ye una amuesa de que la mocedá asturiana tien-y cariñu al so idioma maternu y ye una prueba de que la oficialidá ye daqué que xenera consensu mayoritariu, asociaciones y organizaciones de diferentes sensibilidaes votaron a favor”.

Iniciativa pol Asturianu quier aprovechar p’agradecer a toles asociaciones esti sofitu y felicitar tamién al Conseyu de la Mocedá de Xixón por tener siempre al asturianu nel trabayu diariu y nes sos diverses campañes.

Faite sociu

Sofita la to llingua, dende solo 20€ pues collaborar con Iniciativa pol Asturianu

You have Successfully Subscribed!

Share This