L’asociación Iniciativa pol Asturianu abre un procesu selectivu del que saldrá la escoyeta del personal técnicu de la entidá. El procesu va cuntar con una comisión selectiva formada por miembros de la entidá, que van convocar a una entrevista a los candidatos preseleccionaos.

La entidá busca persones con un nivel altu d’asturianu, conocencia nel ámbitu de la comunicación, les redes sociales y otres ferramientes dixitales. Búsquense persones con capacidá organizativa y creatividá, valorándose la conocencia d’otres llingües y la esperiencia ya implicación nel ámbitu del activismu llingüísticu, asina como nel diseñu de proyectos culturales. Les condiciones llaborales y horarios pondránse d’alcuerdu coles capacidaes y disponibilidá de la persona seleccionada a la fin d’esti procesu.
 
Les persones interesaes han unviar el so curriculum vitae n’asturianu al corréu info@s806295988.mialojamiento.es hasta’l 15 d’ochobre de 2016.