La Compañía Asturiana de Comedies, el grupu teatral con más años al llombu, celebra los cien años del xéneru conocíu como teatru costumista asturianu o teatru asturianu y de la so propia actividá nesti ámbitu, con una esposición na que collabora Iniciativa pol Asturianu. La esposición, asina como'l programa d'actividaes ye billingüe n'asturianu y castellán. 

 
El teatru costumista foi una importante ferramienta de difusión del asturianu nos momentos más difíciles pa la llingua asturiana, y ye entá güei un espaciu de gran ésitu social onde la llingua asturiana tien normalizada la so presencia. Dende Iniciativa pol Asturianu queremos felicitar a la Compañía Asturiana de Comedies por cuasi un sieglu d'actividá col asturianu como llingua d'espresión nes sos obres. Poques iniciatives culturales n'Asturies pueden presentar un proyectu que se caltenga tantos años nel tiempu.
 
La esposición pue vese nel Institutu Vieyu Xovellanos de Xixón, del 23 al 29 de mayu nel horariu habitual d'esti centru cultural xixonés. Amás ponse en marcha un programa d'actividaes complementaries del qu'ufrimos equí l'horariu y conteníos:

ACTIVIDAES COMPLEMENTARIES

Llunes 23 
16.00. Proyección. 
Nieve en el puerto, d’Eladio Verde. Dirixida por Eladio Sánchez (1989).
18.30. Mesa redonda de presentación. 
Con Eladio Sánchez, Arsenio González, Pili Ibaseta y Josefina García (cuatro de los fundadores de la Compañía Asturiana de Comedias). Modera: Joaquín Fuertes.

Martes 24
16.00. Proyección. 
¡Allá te va…. que te preste!, d’Eladio Verde. Dirixida por Eladio Sánchez (2002).
18.30. Teatru.
Puesta n’escena d’estampes asturianes, al cargu de los miembros de la Compañía Asturiana de Comedias actual.

Miércoles 25
16.00. Proyección. 
La venganza de la Xana, d’Eladio Verde. Dirixida por Eladio Sánchez (2004).

Xueves 26
16.00. Proyección. 
La trastá, d’Arsenio González. Dirixida por Eladio Sánchez (2010).

Vienres 27
16.00. Proyección. 
Los amores de Ximielga, d’Eladio Verde. Dirixida por Eladio Sánchez (2012).

Sábadu 28
12.30. Alderique. El teatru popular asturianu al traviés de los güeyos de los autores. 
Cola participación de los dramaturgos: Maxi Rodríguez, José Ramón Oliva, Arsenio González y Lluis Antón González. Modera: Sergio Buelga.
16.30. Alderique. El teatru popular asturianu al traviés de los güeyos de los programadores culturales. 
Cola participación de: Teresa Sánchez Rodríguez, (Teatru Xovellanos de Xixón), Alaín Fernández, (Teatru Prendes de Candás), Ismael González Arias (Casa de Cultura Teodoro Cuesta de Mieres) y Adolfo Camilo Díaz, (Centru Cultural El Llar de Corvera). Modera: Armando Felgueroso.

Domingu 29 
12.30 Alderique. La Compañía Asturiana de Comedias y el TeatruPopular Asturianu.
Cola participación de: Eladio Sánchez (director, presidente y fundador de la Compañía Asturiana de Comedias), Jesús Menéndez Peláez (caderalgu de Lliteratura de la Universidá d’Uviéu), Ana Montserrat López Moro (conceyala d’Educación y Cultura del Conceyu Xixón). Modera: Eladio de Pablo, director y autor teatral y exdirector de la ESAD Asturias.

Artículos venceyaosMás del autor