Dientro del programa de cursos d'Iniciativa pol Asturianu pa los meses de la seronda y l'iviernu, nel que s'inclúin cursos en dellos conceyos y a distancia, la entidá organiza esti añu un cursu elemental de llingua asturiana na parroquia maliayesa de Quintes en collaboración cola S.C.R. Clarín. 

El cursu, de 36 hores de duración, va celebrase dende’l mes d’ochobre hasta finales d’añu y tien como oxetivu’l deprendimientu básicu de la llingua asturiana tanto a nivel oral como escritu. Va impartise los martes y xueves de 19 a 21 hores nel llocal de la Sociedad, Cultural y Recreativa “Clarín” de Quintes (Barrumediu s/n) y nun fai falta tener conocencia previa de llingua asturiana p’apuntase. El cursu cunta con un diploma d'aprovechamientu otorgáu pola Academia de la Llingua Asturiana pal alumnáu que supere'l cursu.
 
La matrícula pue facese na páxina web d'Iniciativa pol Asturianu (www.iniciativapolasturianu.org), pudiendo resolvese duldes nel corréu info@s806295988.mialojamiento.es y tien un preciu 50 euros pa socios d’Iniciativa pol Asturianu o de la S.C.R. Clarín y de 60 euros pal restu.