La rede d'emisores qu'ufren a los sos oyentes el programa Iniciativa pol Asturianu nes ondes sigue medrando. Nestos díes súmense Onda Corvera (107.5 FM) y Onda Peñes (107.7 – 104.4 FM), llider nos conceyos de Carreño y Gozón. Con estes son once les emisores que lleven la voz de la organización y les noticies de la llingua asturiana per tol país.
El programa va emitise n'Onda Peñes los vienres, a partir del 19 d'abril, a les 19:30 hores y n'Onda Corvera, los vienres a les 12:00 hores. Estos díes va entamar una campaña de cuñes pa dar a conocer a les oyentes de dambes emisores esti programa.
El programa, órganu de difusión del coleutivu, ta dirixíu por Samuel Gradín, y emítese tamién en Radio Sele, Radio Ujo, AllerFM, Radio Ḷḷena, Radio Kras, Radio Noreña, Radio Nava, Radio Alma (Bruxeles)… y puede sentise tamién nes canales d'Iniciativa pol Asturianu n'Ivoox y YouTube. Amás, tamos tamién tolos llunes a les 18 hores en Radio Parpayuela, pa tolos conceyos de los Montes Centrales.
