Iniciativa pol Asturianu entama en comuña cola Academia de la Llingua Asturiana, la presentación y llectura del poemariu ‘’Aire, fuego y deseo’’.

 

XIXÓN, 18/02/2019. Iniciativa pol Asturianu entama a comuña cola Academia de la Llingua Asturiana la presentación y llectura del poemariu Aire, fuego y deseo de Juan Carlos Gracía Hoyuelos.

L’actu va ser esti 18 de febreru a les 18:00 na sede de la propia Academia, allugada n’Uviéu na cai L’Águila, 10. Recitaránse poemes d’Aire, fuego y deseo, d’ello encargaránse Xosé I. Pidal Montes (poeta), Nicolás Bartolomé Pérez (escritor lleonés, miembru de l’ALLA y Faceira), Quique Díez Fernández (estudiante de filosofía), Fernán Morán Suari (presidente de la Lliga Celta d’Asturies), Víctor Suárez Piñero (escritor). Darréu podremos sentir en directu Magar la distancia de Toli Morilla, tema incluyíu nel CD d’Aire, fuego y deseo, col que’l propiu cantautor asturianu collaboró, amás de dellos temes propios xunto a la proyección de videoclips de cantares incluyíos nel CD conseñáu.

Esti llibru ye una amuesa del valir cultural y artísticu de les distintes llingües de la península, yá que nél tienen presencia, por exemplu, el murcianu, el valencianu, l’aragonés o l’asturianu. L’oxetivu d’esti actu ye averar la realidá llingüística española, que ye múltiple y diversa, a tol públicu que quiera conocela y sentir dende una perspectiva poética esta realidá de la que tamos falando.