La emisora uvieina Radio Qk incorpórase a la rede d'emisores qu'emiten el programa de radio de la organización Iniciativa pol Asturianu. Toles selmanes nel 107.3 Mhz de la FM n'Uviéu y la redolada va poder sentise esti espaciu radiofónicu onde se dan noticies, entrevistes y una montonera cosuques n'asturianu, embaxo la dirección de Samuel Gradín.
Amás d'esta nueva radio emítese tamién en Radio Parpayuela, Onda Peñes, Onda Corvera, Radio Sele, Radio Ujo, AllerFM, Radio Ḷḷena, Radio Kras, Radio Noreña, Radio Nava, Radio Alma (Bruxeles)… y puede sentise tamién nes canales d'Iniciativa pol Asturianu n'Ivoox y YouTube.
