Iniciativa pol Asturianu celebra aconceyamientu mensual de la Xunta Direutiva pa esti sábasu 1 d'avientu a les 12.00 na aula 1 del Vieyu Institutu Xovellanos de Xixón, asitiáu na cai Xovellanos y xunto a la Plaza'l Parchís. Como siempres, la xunta ta abierta a l'asistencia de tolos socios que quieran averase, como mena de xestión abierta y tresparente de la organización, pudiendo participar na parte d'encamientos y entrugues con toles suxerencies y opiniones que deseen.
En dos cartes unviaes al alumnu de la Facultá de Profesoráu y Educación de la Universidá d'Uviéu que vivió un casu de discriminación llingüística per parte d'una funcionaria, llamentaron los fechos y nel casu del Decanu, esplicó la posición favorable pa col usu del asturianu de la so Facultá.
Iniciativa pol Asturianu participa nuna charra-alderique organizada pol Atenéu N'Alfoz n'Avilés, esti xueves 4 d'abril, de magar les ocho la tarde. Na mesatarán represenantes de la Xunta pola Defensa de la Llingua Asturiana, Reciella 'Families pol Asturianu", l'Asamblea de Docentes d'Asturianu y el xestor cultural Adolfo Camilo Díaz.
Esti xueves 6 de febreru, represenantes del colectivu Iniciativa pol Asturianu van aconceyar con Teresa Sanjurjo, directora de la Fundación Príncipe d'Asturies, nel llar d'esta entidá n'Uviéu. El conceyu celébrase un añu dempués de los primeros contactos ente les dos organizaciones, cuando dende Iniciativa pol Asturianu se-y solicitó a la entidá organizadora de los Premios Príncipe d'Asturies que la llingua asturiana tuviere presencia na so actividá.
Iniciativa pol Asturianu nes ondes emite un nuevu programa. El convidáu nesta ocasión ye Pablo Suárez, doctor en Filoloxía pola Universidá d'Uviéu, que fixo'l descomanáu llabor de tornar al asturianu la obra cimera de Cervantes "El Quixote".
Ferran Suay, vicepresidente d'European Language Equality Network (ELEN), organización al que pertenez Iniciativa pol Asturianu, tuvo falando de la situación de les llingües penínsulares nel Intergroup for Traditional Minorities, National Communities and Languages (Intergrupu poles minories tradicionales, comunidaes nacionales y llingües), del Parllamentu Européu.
El domingu 1 de marzu finaba Amadeu Ferreira, escritor, poeta y xurista de Miranda del Douru, una de les figures que más trabayó na defensa del mirandés, dende Iniciativa pol Asturianu queremos amosar el nuestru más fonderu pesar por esti murniu adiós.
La vocalía de dominiu llingüísticu de la organización, coordinada por Denis Soria, quier espresar el so maltar énte la negativa de discutir una moción n'amparu del patrimoniu llingüísticu na Diputación de Zamora. La iniciativa defendida pol grupu ADEIZA que daba un primer pasu na conquista de los drechos llingüísticos básicos (con midíes de proteición, promoción, recuperación toponímica o refuerzu institucional de la creación cultural y lliteraria de la llingua asturiana/lleonesa y gallega na Provincia de Zamora) partió del coleutivu Furmientu, una de les organizaciones qu'integren el movimientu de reivindicación llingüística al sur del cordal y cola qu'Iniciativa pol Asturianu aconceyara'l pasáu 31 de marzu n'Estorga (Lleón).
La organización ufierta nuevos cursos de llingua asturiana (nivel básicu 1 y nivel básicu 2) que van facese a distancia
XIXÓN, 26/10/2020. Iniciativa pol Asturianu abrió’l plazu de matriculación p’apuntase a los nuevos cursos de llingua asturiana (nivel básicu 1...
Iniciativa pol Asturianu y la Fundación Almastur entamen mañana la ‘Xira pola Oficialidá’ en Bimenes. El conceyu yerbatu va ser el primer puntu p’arrancar esta campaña informativa sobre les llingües d’Asturies que pretende concienciar sobre la necesidá del reconocimientu...