Dende Iniciativa pol Asturianu queremos amosar el nuesu fondu maltar pola situación política na que s'alcuentren les mancomunidaes del país, como la Mancomunidá d'Avilés y, principalmente, la Mancomunidá del Cabu Peñes, onde la engarradiella ente'l PP y el PSOE pue afeutar a la continuidá del so Serviciu de Normalización Llingüística (SNL). De fechu, el francimientu de dicha mancomunidá supondría que, polo menos, los gozoniegos quedaren privaos d'un serviciu que lleva furrulando dende 2004.
Iniciativa pol Asturianu quier celebrar el Día del Llibru colos sos socios. Por ello tolos que se faigan socios miembru (7 euros al mes o 60 euros al añu) a lo llargo de la selmana del 23 al 29 d'abril van recibir un llibru n'asturianu de regalu. Amás, coinciendo col entamu de la Selmana de les Lletres Asturianes, vamos sortear un llote de 10 llibros y revistes n'asturianu ente los nuesos socios.
Darréu reproducimos l'artículu asoleyáu na versión en papel de La Nueva España nel qu'Inaciu Galán, presidente d'Iniciativa pol Asturianu, contesta a una carta asoleyada nel mesmu periódicu, aclarando cuestiones alredor de la situación del asturianu nel enseñu.
Convócase l'aconceyamientu ordinariu de Xunta Direutiva pal mes d'abril. La Xunta Direutiva sedrá abierta a tolos asociaos, como prometió la candidatura ganadora nel Congresu, col fin d'afalar la máxima tresparencia y participación. Nel tiempu d'entrugues y encamientos tolos asociaos...
Iniciativa pol Asturianu ta acabante ponese en contactu cola dirección de la La Vuelta a Asturies 2012 pa reclama-yos qu’usen la toponimia oficial nos materiales, páxina web, etc. de la hestórica prueba ciclista asturiana. Dende Iniciativa pol Asturianu nun podemos tar tan contentos del usu que se ta faciendo na vuelta de la cuestión llingüística. Iniciativa pol Asturianu púnxose tamién en contactu cola Dirección Xeneral de Política Llingüístca del Gobiernu d’Asturies, patrocinador del eventu, pa que faiga cumplir la normativa no que cinca al usu toponímicu.
Una presentación de la revista lliteraria Formientu celebrad esti llunes 16 d'abril na Sociedá Cultural Xixonesa sirvió pa recaldar fondos pa Iniciativa pol Asturianu, al traviés de la donación de la cantidá ingresada pola venta de les revistes. L’escritor y hestoriador Javier Cubero de Vicente presentó l’actu, nel que’l director de Formientu, Inaciu Galán, faló de los cinco años de la revista, faciendo repás a l’activida de la mesma nos diez númberos que lleva espublizaos.
Esti sábadu voluntariáu d'Iniciativa pol Asturianu va tar presente con un puestu informativu na carpa de la Espicha de Fitoria (Uviéu), organizada pol Grupu de Baille Tradicional de Fitoria pa sofitar los gastos de la “XI Nueche Folk de Fitoria”. Nel actu va repartise material informativu de la organización y animar a los asistentes a tomar la iniciativa y facese socios d'Iniciativa pol Asturianu. Sedrá a partir de les nueve y media la nueche.
Iniciativa pol Asturianu sigue trabayando pola dignificación del idioma en toles estayes y por allugalu nel llugar que-y correspuende. Nesti casu, trátase d'un avance pequeñu que-y da bien de visibilidá dientro del catálogu web de la Rede de Biblioteques d'Asturies.
Representantes d'Iniciativa pol Asturianu viaxaron a territoriu lleonés y tuvieron un primer contautu coles organizaciones qu'integren el movimientu de reivindicación llingüística lleónés el pasáu 31 de marzu na sede de La Caleya, n'Estorga (Lleón).
Iniciativa pol Asturianu acaba facer llegar a los asociaos y simpatizantes de la organización el quintu boletín informativu, que correspuende a l'actividá de la organización a lo llargo del mes de marzu. Agora, amás, ponemos a disposición de tolos interesaos los cinco boletinos unviaos hasta esti momentu.

SÍGUINOS

7,559SiguidoresPréstame
1,286SiguidoresSiguir
5,585SiguidoresSiguir
300soscriptoresSoscríbite

Últimes noticies