La dirección d'Iniciativa pol Asturianu quier espresar el so sofitu a la familia, compañeros y amigos de Sergio Marqués, ex Presidente d'Asturies, recordando'l so compromisu cola llingua asturiana, que lu llevó a convertise nel únicu presidente qu'aprobó una Llei d'Usu del Asturianu nos más de trenta años d'autonomía asturiana.
El vienres 4 de mayu, voluntariáu d'Iniciativa pol Asturianu repartió miles de folletos informativos de la organización peles cais d'Uviéu, a lo llargo de tola tarde. Darréu participaron na manifestación pola oficialidá entamada pola Xunta pola Defensa de la Llingua Asturiana, percorriendo colos petos identificativos les cais d'Uviéu y reclamando la oficialidá pal nuesu idioma. A lo llargo de la xornada nueves persones tomaron la iniciativa pol asturianu y decidieron facese socios d'Iniciativa pol Asturianu.
Esta selmana tamos en plena celebración de la Selmana de les Lletres Asturianes y taremos presentes en dellos actos con materiales nuevos pa siguir trabayando por llegar a la xente col nuesu mensaxe. El xueves 3, n'Avilés, convidaos a una clas d'asturianu na cai por Compromisu por Avilés, dellos miembros de la organización tuvieron na Plaza'l Parche dando a conocer la organización a los participantes nel actu y a la xente que taba pela plaza avilesina.
La organización Iniciativa pol Asturianu va participar esti vienres 4 de mayu na Manifestación pola Oficialidá, n’Uviéu. Esti actu reivindicativu que se celebra coincidiendo col Día de les Lletres Asturianes, convócalu dende va décades la Xunta pola Defensa de la Llingua Asturiana. Iniciativa pol Asturianu quier facer un llamáu a la sociedá pa participar nesta reivindicación, perimportante pal futuru d’Asturies y de la so cultura.
Esta selmana tamos en plena celebración de la Selmana de les Lletres Asturianes y taremos presentes en dellos actos con materiales nuevos pa siguir trabayando por llegar a la xente col nuesu mensaxe. El xueves 3, n'Avilés, tamos convidaos a una clas d'asturianu na cai, 19:30 hores, na Plaza'l Parche. El vienres 4, taremos per Uviéu repartiendo material a lo llargo del día y na manifestación pola oficialidá.
Coinciendo col entamu de la Selmana de les Lletres Asturianes, sorteóse un llote de 10 llibros y revistes n'asturianu ente los nuesos socios. El ganador resultó ser Daniel Pérez Villaro, d'Uviéu.
Yá puede consultase'l boletín informativu d'Iniciativa pol Asturianu #06, que correspuende al mes d'abril. Nél apúrrese a simpatizantes y asociaos información de l'actividá de la organización.
Iniciativa pol Asturianu considera que la decisión de l’Asociación d’Escritores d’Asturies de nun contemplar les obres en llingua asturiana pa la edición de los Premios de la Crítica 2012 ye una falta seria al idioma d’Asturies.
Dende Iniciativa pol Asturianu queremos amosar el nuesu fondu maltar pola situación política na que s'alcuentren les mancomunidaes del país, como la Mancomunidá d'Avilés y, principalmente, la Mancomunidá del Cabu Peñes, onde la engarradiella ente'l PP y el PSOE pue afeutar a la continuidá del so Serviciu de Normalización Llingüística (SNL). De fechu, el francimientu de dicha mancomunidá supondría que, polo menos, los gozoniegos quedaren privaos d'un serviciu que lleva furrulando dende 2004.
Iniciativa pol Asturianu quier celebrar el Día del Llibru colos sos socios. Por ello tolos que se faigan socios miembru (7 euros al mes o 60 euros al añu) a lo llargo de la selmana del 23 al 29 d'abril van recibir un llibru n'asturianu de regalu. Amás, coinciendo col entamu de la Selmana de les Lletres Asturianes, vamos sortear un llote de 10 llibros y revistes n'asturianu ente los nuesos socios.

SÍGUINOS

7,619SiguidoresPréstame
1,313SiguidoresSiguir
5,648SiguidoresSiguir
300soscriptoresSoscríbite

Últimes noticies