Iniciativa pol Asturianu ye una asociación de creación nueva que vien a sumar na reivindicación ciudadana pa garantizar la sobrevivencia del idioma. Inaciu Galán (Xixón, 1986) y Vítor Suárez (Uviéu, 1988) son miembros de la xunta promotora.
Dende Iniciativa pol Asturianu queremos amosar la nuesa allegría pol pasu tan importante que ta acabantes de dar la empresa de tresportes ALSA. Esta empresa, que tuvo’l so orixe n’Asturies y que caltién llazos bien importantes col país, venía incumpliendo la llei al nun usar la toponimia oficial asturiana, amás de nun ufrir a los asturfalantes la posibilidá de consultar la so páxina web n'asturianu. Pero agora esa situación ta entamando a cambiar gracies a la collaboración ente dambes entidaes.
Pa llevar alantre Iniciativa pol Asturianu, tamién son necesarios fondos, poro, amás de la implicación personal, agradecemos el sofitu económicu. Nesti casu, Xareos! Xestión Cultural ta organizando dellos actos de presentación de la so revista Formientu por mor del so quintu aniversariu y va despidir l’añu y, a dellos de los sos autores más vieyos, nun actu que se va celebrar nel chigre L’Ayalga, de Xixón, esti xueves 29 d’avientu de magar les 8 la tarde, que va servir tamién pa recaldar fondos pa l’asociación.
El naciente colectivu Iniciativa pol Asturianu aconceyó con un representante de l’Asociación Cultural N’Ast. Nel conceyu analizóse tanto l’actual situación del movimientu de reivindicación llingüística, y abriéronse pontes de comunicación y futura collaboración ente les dos organizaciones.
  Reteyaores ye un equipu de profesionales dedicaos a ufiertar servicios nel seutor de la costrución, especialmente dedicaos a la istalación y el mantenimientu de tou tipu de cubiertes y costruciones n'altura. Tolos trabayadores cunten con  esperiencia en forma dientro...
L’asociación Iniciativa pol Asturianu presentó esti sábadu 17 d’avientu nel salón d’actos de la Biblioteca d’Asturies, n’El Fontán, Uviéu, la organización. La gala, presentanda por Mariluz Pontón, llocutora de RPA, abrióse cola música de Mariluz Cristobal Caunedo, que quixo dicir unes pallabres de sofitu al ñacimientu d’Iniciativa pol Asturianu.
L’asociación Iniciativa pol Asturianu preséntase güei, sábadu 17 d’avientu, nel salón d’actos de la Biblioteca d’Asturies, n’El Fontán, Uviéu. L’actu consistirá nuna pequeña gala con intervenciones, proyección d’audiovisuales y actuaciones musicales, amás d’otres sorpreses.
Esti 7 d’avientu pasáu, la sede de l’Academia de la Llingua Asturiana (ALLA) na cai de l’Águila, n’Uviéu, celebróse un conceyu ente representantes d’Iniciativa pol Asturianu y la Presidenta d’esta institución Ana María González Cano, col envís de presentar la organización a la institución.
Xulio Casado y Carlos Pulgar, cabezaleros de la Xunta pola Defensa de la Llingua Asturiana, recibieron esti llunes 5 d’avientu a dellos miembros d’Iniciativa pol Asturianu na so sede d’Uviéu.
Ramón d’Andrés, presidente de la Fundación Caveda y Nava, recibió a dellos representantes d’Iniciativa pol Asturianu nun alcuentru nel que l’asociación pudo presentase y dar a conocer los sos oxetivos a la institución presidida por D’Andrés.

SÍGUINOS

7,513SiguidoresPréstame
1,193SiguidoresSiguir
5,524SiguidoresSiguir
300soscriptoresSoscríbite

Últimes noticies