Güei, vienres 20 d'avientu, a les 20 hores, va celebrase nel llar del Conseyu de la Mocedá del Principáu d'Asturies, nel baxu 10 de la cai Fuertes Acevedo d'Uviéu, un alderique baxo'l títulu "L'asturianu nos medios dixitales anguaño". Esta charra va convertise na grabación del primer programa televisivu "Alderiques d'Asturies", proyectu conxuntu d'Iniciativa pol Asturianu y los diarios dixitales InfoAsturies y Conocer Asturias.
La organización Iniciativa pol Asturianu va participar de l'actividá del órganu asesor del Conceyu de Xixón en materia de Política Llingüística, al que foi convidada la organización va más d'un añu, nun siendo efectiva la mesma hasta agora, dempués de numberosos retrasos que dende'l puntu de vista de la organización "namás buscaron retrasar la puesta en marcha de l'actividá d'esti órganu", lo que demuestra la falta d'interés d'esta alministración por cuntar cola opinión de los estremaos colectivos xixoneses que participen del Conseyu.
Iniciativa pol Asturianu, xunto colos diarios dixitales InfoAsturies y Conocer Asturias, vienen trabayando en comuña nun nuevo proyeutu de radio y televisión en llingua asturiana, col nome "Alderiques d'Asturies". Esta nueva iniciativa ñaz col envís de poner enriba la mesa un asuntu del que charraremos fonderamente con dellos convidaos, nun espaciu presentáu por Samuel Gradín, fechu col oxetivu de sentir estremaes opiniones alredor de custiones qu'afecten a l'actualidá asturiana.
Un nuevu programa d'Iniciativa pol Asturianu nes ondes llegar cola presentación del trabayu d’investigación sobre les opiniones de los equipos direutivos de los Centros Públicos d'Educación Primaria d'Asturies al rodiu del «Valir cultural y educativu de la escolarización de la llingua asturiana», ellaboráu pola profesora del departamentu de Ciencies de la Educación de la Universidá d’Uviéu, Isabel Hevia Artime.
Esti mes pasáu vimos como los contactos institucionales entamaos por Iniciativa pol Asturianu colos diputaos asturianos el pasáu mes de febreru nel Congresu de los Diputaos teníen los sos frutos en forma de dos enmiendes a los Presupuestos Xenerales del Estáu, d’Izquierda Xunida y Foru, reclamando la inclusión d’una partida pa l’Academia de la Llingua Asturiana n'ellos.
L'Asamblea Xeneral d’ELEN foi recibida como un gran ésitu per parte de los delegaos de la ONG, axuntaos en Ti Breizh (Casa de Bretaña) en París, onde s'espunxo la estratexa de la organización pa 2014 con un enfoque basáu nos derechos llingüísticos, el sofitu internacional y el desenrollu de proyeutos conxuntos de revitalización llingüística. Iniciativa pol Asturianu unvió a Xosé B. Álvarez, vocal de Rellaciones Internacionales, pa tratar la problemática situación llegal del asturianu.
Nel programa d'Iniciativa pol Asturianu nes ondes de la primer selmana d'avientu cuntamos cola cantante de tonada Anabel Santiago que ye entrevistada polos escolinos y escolines del Colexu Asturamérica de Cuideiru y cola qu'afondamos na so hestoria y proyeutos, baxo la dirección de Samuel Gradín.
El Club de La Nueva España en Xixón foi l'especiu acoyíu pa siguir coles presentaciones de la campaña d'usu del asturianu n'empreses que tien en marcha Iniciativa pol Asturianu. Los testimonios de dellos empresarios que yá usen l'asturianu fueron bien significativos, esplicando como l'usu del asturianu ye positivu pa los negocios.
Un mes más llega a los correos de tolos simpatizantes y socios d'Iniciativa pol Asturianu la información cola actividá más destacada de la organización. El mes de payares vien con temes llamativos como les enmiendes a los Presupuestos Xenerales.
Esta selmana llega un nuevu programa d'Iniciativa pol Asturianu nes ondes. Nesta ocasión, Samuel Gradín entrevista al xoven director ribeseyanu Pablo Casanueva, que con dieciocho años estrenó esti añu "Bernabé", primer llargumetraxe n'asturianu de la hestoria.

Últimes noticies