Iniciativa pol Asturianu sigue faciendo por meyorar la so comunicación cola emisión del programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín. Nesta séptima entrega falamos con Xurde Morán, Periodista; Juan Carlos García Hoyuelos, escritor; Rubén Llames, Secretariu d'Iniciativa pol Asturianu; Inaciu Galán falando del conceyu cola Fundación Príncipe d'Asturies y delles informaciones más, como la presentación del III Cursu d'Asturianu en Xixón.
Esti martes 19 de payares, Samuel Gradín, director del programa Iniciativa pol Asturianu nes ondes, organizó nel Auditoriu d'Uviéu la grabación del programa pilotu d'un proyectu audiovisual qu'Iniciativa pol Asturianu prepara a comuña colos medios de comunicación Infoasturies.net y ConocerAsturias.
El programa radiofónicu Iniciativa pol Asturianu nes ondes emite estos díes na so rede de radios llocales un programa que tien por convidáu a Victor Borja González, encargáu d'iguar el blogue de creación recién "Asturianu pa toos".
Un nuevu programa d'Iniciativa pol Asturianu nes onde ta disponible. Entamamos contautando al traviés de la llinia telefónica con Isabel Hevia que ye la encargada d'empobinar un cursu dientro de la UABRA (Universidá Asturiana de Branu) onde se va falar de xestión cultural.
El yá tradicional programa de radio Iniciativa pol Asturianu nes ondes camuda'l so formatu pa convertise nun espaciu más completu que va emitise en más d'una docena de radios d'Asturies coles que la organización tien alcuerdu pa la emisión del programa.
Iniciativa pol Asturianu organizó dos charres informatives a lo llargo del mes d'abril y coincidiendo con actos de presentación de la revista Formientu nos que collaborá la organización en Xixón y La Foz (Morcín). Nos actos espúnxose la situación del asturianu y diose a conocer el llabor de la organización. En dambos actos delles persones sumáronse como socios a la organización.
Yá pue sentise un nuevu programa d'Iniciativa pol Asturianu nes Ondes. El Conceyu d'Estorga, en Lleón, y l'Asociación Cultural Faceira entregaron los gallardones del so primer Certame Lliterariu Astúrica, un premiu de rellatu y poesía qu'organicen dende les tierres llioneses con intención d'aportar a tol dominiu llingüísticu dende Asturies a Miranda del Douro. Ente los cinco ganadores d'esta primer edición, hai trés mozos y moces asturianes, Inaciu Galán, Naomi Suárez ya Irma González-Quevedo. P’afondar na conocencia d’esta entidá dedicada al estudiu, divulgación y protección del patrimoniu cultural, históricu y llingüísticu de Llión, tamos en contautu al traviés de la llínea telefónica con Ricardo Chao, secretariu de Faceira.
Iniciativa pol Asturianu nes ondes fala nesti nuevu capítulu precisamente de radio n'asturianu y facémoslo con dos convidaes, Patricia y Paloma, que son les dos moces que tán detrás d'un programa radio llamáu 'Pildorines n'asturianu' onde amuesen un garapiellu rellatos usando la fonda lliteratura que tien el nuesu idioma.
Coles declaraciones de les propies mas de les neñes afectaes, afondamos na engarradiella xurdida nel I.E.S. Emilio Alarcos de Xixón onde punxeron tolos pilancos pa que delles alumnes nun pudieren cursar la so asignatura de llingua asturiana.
Nel programa d'esti mes de marzu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El...