Esti mes de febreru son trés los temes que vos ufiertamos:
-Entamamos diendo al Conceyu Ribeseya pa falar con Ivan Prieto de l'asociación "Entaína Ribeseya" qu'organiza les Primeres Xornaes de la Sidre.
-Col nuesu Presidente, Inaciu Galán, fadremos un repás a...
La diputada y vocera de la formación política Podemos nel Parllamentu asturianu, Lucía Montejo, fíxo-y entrega al llider del PSOE estatal Pedro Sánchez d'una carta que-y escribió una muyer de Nava reclamando la oficialidá del asturianu.
Francisco José Faraldo foi'l Direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983). Amás tamién tien otra afición como ye la d’escribir llibros. Nesta charra va desplicanos cómo foi el procesu alministrativu pal entamu col asturianu nes escueles y los pilancos qu'atoparon nesi camín.
Iniciativa pol Asturianu sigue faciendo por meyorar la so comunicación y coincidiendo colos seis meses del entamu de la so actividá pon en marcha una nueva iniciativa, un programa radiofónicu mensual que va dar anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los alredor de sesenta minutos que va durar la emisión va haber tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu.
La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.
Nel programa d'esti mes de payares de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El...
Iniciativa pol Asturianu nes ondes entrevista a Ricardo Chao, de l'asociaciones lleonesa Faceira, pa falar de la so actividá. Les asociaciones en defensa de la nuesa llingua en tol dominiu llingüísticu, Faceira, Furmientu y El Teixu editen conxuntamente el cartelu “La nuesa fauna”, que recueye los nomes de quince de los animales más representativos de Lleón y Zamora.
El miércoles 16, Iniciativa pol Asturianu tuvo presente na conferencia nomada “Radiodifusión en Llingües Minoritaries: Ónde Tamos, Ónde Debíemos Dir”, entamada pola Alianza Llibre Europea.
Iniciativa pol Asturianu nes ondes tien preparáu un programa especial por mor de Selmana de les Lletres Asturianes con entrevista a David Guardado, presidente de l'asociación Reciella, families pol asturianu.
Esta selmana vamos afondar en dos temes n'Iniciativa pol Asturianu nes ondes. Entamamos falando con Xose B. Álvarez que fixo una propuesta pal Termast (terminoloxía n'asturianu) na estaya la bioloxía.