Inaciu Galán y Vítor Suárez, miembros de la dirección d’Iniciativa pol Asturianu aconceyaron esti llunes 29 d’ochobre cola diputada de Foru Asturies, Carmen Sela Fernández, en sede parllamentaria. Asina mesmo, esti miércoles 31 aconceyaron tamién, siguiendo cola so rolda de contautos con les fuercies polítiques asturianes, col senador d’Izquierda Xunida d’Asturies Jesús Iglesias y la diputada del grupu parllamentariu d'IX na Xunta Xeneral, Emilia Vázquez. Los conceyos xiraron alredor de l’actualidá del idioma y nél la organización fizo delles propuestes a dambes formaciones polítiques.
Nel programa d'esti mes vamos ufiertavos un garapiellu opiniones, amás del analís del nuesu collaborador, el periodista Damián Barreiro, al rodiu la presentación en Xixón del llibru "La tele que queremos; televisión pública y reivindicación llingüística n'Asturies".
La Rede Europea d'Igualdá Llingüística (ELEN), de la qu'Iniciativa pol Asturianu ye entidá miembru, celebró la so Xunta Xeneral añal del 9 al 11 d'ochobre en Bucarest, Rumanía, entamada pol Conseyu d'Aromunes, con delegaos en representación de los falantes de llingües minorizaes d'Europa, p'aldericar munches de les cuestiones vitales qu'afeuten a los sos idiomes y del llabor d'ELEN nel ámbitu llocal, estatal ya internacional.
Yá ta disponible'l cuartu programa de radio "Iniciativa pol Asturianu nes ondes", mediu de difusión de les actividaes de la organización onde cada mes pueden sentise entrevistes con miembros d'Iniciativa pol Asturianu y persones d'otros colectivos pa conocer y aldericar alredor del asturianu y la so situación. Nesta ocasión, Samuel Gradín, director del programa, entrevista a Penelope Miranda, del Serviciu de Normalización Llingüística de L.lena, y Arancha Prado, del SNL de la Mancomunidá del Cabu Peñes.
Cada mes, nel programa radiofónicu Iniciativa pol Asturianu nes ondes emítese una editorial sobre cuestiones llingüistiques. Reproducimos equí la del mes d'ochobre, sobre la falta d'usu del asturianu nos Premios Príncipe.
El programa Iniciativa pol Asturianu nes onde tuvo nel Colexu Asturamérica de Cuideiru grabando un programa especial colos alumnos de llingua asturiana de tolos niveles. Un programa nel que los neños participaron xunto a la so maestra de llingua...
Yá ta disponible un programa nuevu d'Iniciativa pol Asturianu nes ondes. Nesta ocasión el programa entama col editorial del Presidente de l'Asociación, Inaciu Galán, onde fala del entamu del movimientu de reivindicación llinguística modernu, que cumplió esti mes de payares cuarenta años.
La nueva entrega d'Iniciativa pol Asturianu nes ondes inclúi una entrevista con Sabel Tuñón, vocal de voluntariáu, ya Inaciu Galán, presidente d'Iniciativa pol Asturianu, onde falen del so aconceyamientu cola Presidenta de la Fundación Príncipe d'Asturies.
Yá pue sentise un nuevu programa d'Iniciativa pol Asturianu nes Ondes. El Conceyu d'Estorga, en Lleón, y l'Asociación Cultural Faceira entregaron los gallardones del so primer Certame Lliterariu Astúrica, un premiu de rellatu y poesía qu'organicen dende les tierres llioneses con intención d'aportar a tol dominiu llingüísticu dende Asturies a Miranda del Douro. Ente los cinco ganadores d'esta primer edición, hai trés mozos y moces asturianes, Inaciu Galán, Naomi Suárez ya Irma González-Quevedo. P’afondar na conocencia d’esta entidá dedicada al estudiu, divulgación y protección del patrimoniu cultural, históricu y llingüísticu de Llión, tamos en contautu al traviés de la llínea telefónica con Ricardo Chao, secretariu de Faceira.
Esta selmana n'Iniciativa pol Asturianu nes ondes Chechu García, ún de los cabezaleros de la Tertulia Malory, de L'Entregu, qu'escoyó como meyor llibru n'asturianu de tolos editaos nel 2014 el conxuntu de cuentos "Más espeso que l’agua", de la escritora ayerana Consuelo Vega.