Los socios d’Iniciativa pol Asturianu tienen munches ventayes. Como sociu o socia collabores construyendo un futuru meyor pal idioma, xenerando espacios de normalidá pa vivir n’asturianu, asina como na protección de los drechos humanos de los asturfalantes. Queremos agradecete esi sofitu con delles ventayes y descuentos n’empreses y entidaes collaboradores.
Ventayes de ser sociu/a d’Iniciativa pol Asturianu
En convirtiéndote en sociu/a d’Iniciativa pol Asturianu vas recibir un carné que va valite pa identificate comos asociáu de la organización nos establecimientos, entidaes y empreses que collaboren con nós, asina como recibir descuentos nos productos de la organización y nes actividaes, como cursos, conciertos, etc.
Productos pol asturianu
Iniciativa pol Asturianu llanza cada añu materiales nuevos pa la puesta en venta y la recaldación de fondos. Como sociu/a de la entidá vas cuntar con un descuentu na so compra.
Cursos d’asturianu
Iniciativa pol Asturianu pon añalmente en marcha cursos d’asturianu en tres convocatories. Como sociu/a d’Iniciativa pol Asturianu vas cuntar con un descuentu na matriculación.
Enerxía llimpia y n’asturianu
Gaba apuesta pol usu del asturianu, poro, pon a la disposición de tolos socios d’Iniciativa pol Asturianu un descuentu de 20 euros al añu por date d’alta como cliente. ¡Aprovéchate d’esti descuentu adicional al meyor preciu del mercáu! Amás vas tar contribuyendo al cuidu del mediu ambiente yá que’l 100% de la enerxía ye d’orixe anovable.
Descuentu na factura de Nordés Móvil
Si yes sociu d’Iniciativa pol Asturianu vas poder beneficiate d’un descuentu del 5% na to tarifa mensual de Nordés Móvil. Esti descuentu va ser aplicable a les tarifes Plus (Galana+, Asturcón+ y Urriellu+) de la compañía asturiana. Nordés Móvil ye la primer compañía telefónica que fai usu normal del asturianu nes campañes publicitaries y colos clientes. L’operador virtual, que tien cobertura estatal, ofrez a los clientes la posibilidá de ser atendíu n’asturianu, asina como la opción de recibir la factura na nuesa llingua.
Boletín informativu dixital
Vas recibir les noticies de la organización nel boletín informativu dixital qu’unviamos de forma regular coles noticies de la nuesa entidá, el llabor que se fai colos recursos qu’aportes a Iniciativa pol Asturianu. Si yes sociu/a y entá nun lu recibes, escríbinos equí pa que te lu faigamos llegar.