Esta selmana nel nuesu programa radio ta con nós Mikel de l'asociación ensin ánimu de llucru Softastur que tien l'envís d'inxertar l'asturianu nes nueves teunoloxíes, desenvolviendo una montonera ferramientes onde'l nuesu idioma ta disponible.
Na sección del Navia-Eo, hoi falamos col noso collaborador Moisés Cima del VIII Outono de Bual organizado pola Asociación xuvenil Mezá.
-ALDERIQUES D’ASTURIES RADIO-
Esti reportaxe fai un analís fonderu a lo llargu una hora de duración de lo que suponen estos premios p’Asturies amás d’ufrir les estremaes opiniones de tolos protagonistes nesta edición 2015.
Una montonera persones pasaron peles cámares d’Alderiques d’Asturies dende Teresa Sanjurjo, Presidenta de la Fundación Princesa d’Asturies, qu’atiende por primera vegada a un mediu de comunicación que-y fala n’asturianu; Ana Taboada, vicealcaldesa d’Uviéu; Santiago Navarro, Presidente de Wikimedia España, ún de les entidaes premiaes nesta edición, un voceru de la Plataforma polos Premios, delles formaciones y coleutivos a la escontra d’estos gallardones, etc.
Esti trabayu, que se realizó na selmana de los Premios, espublízase depués d’una perimportante xera na so edición pa ufrir la másima calidá a tolos asturianos/es y xenerar un material que sirva pa la reflexón y l’alderique que ta na cai al rodiu estos célebres gallardones: https://www.youtube.com/watch?v=z-nmS4ULo0A
