Entamu Iniciativa... nes Ondes

Iniciativa... nes Ondes

Iniciativa pol Asturianu ta faciendo por meyorar la so comunicación y pa ello tien un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA.

Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día.
Un nuevu programa d'Iniciativa pol Asturianu nes ondes llega a la nuesa rede de distribución, más d'una docena d'emisores a lo llargo del territoriu d'Asturies, col editorial del Presidente d'Iniciativa pol Asturianu, Inaciu Galán, nel qu'afonda na responsabilidá qu'han tener les fuercies polítiques pa col nuesu idioma col averamientu d'una nueva convocatoria electoral.
Una nueva edición d'Iniciativa pol Asturianu vien con entrevistes. La primera d'elles dedicada a los responsables de la canal de noticies Conocer Asturias. La segunda parte del programa ta dedicada a la Noite Celta de Porcía, una de les cites clásiques del branu asturianu.
Iniciativa pol Asturianu lleva organizando cursos d'asturianu dende la fundación de la organización. Los cursos en Xixón y n'Uviéu son habituales, asina como los cursos a distancia. Agora, y na esmolición por llegar al máximu númberu de persones interesaes por deprender asturianu, la organización fai un esfuerciu organizativu y de recuersos pa poner en marcha clases d'asturianu en 15 cursos en conceyos d'Asturies.
Tres l'anuncia de Los Verdes - Alianza Llibre Europea (EFA) d'una conferencia titulada "Radiodifusión en llingües minoritaries: ónde tamos, ónde tenemos de dir", Iniciativa pol Asturianu (IPA) quier anunciar que'l nuesu representante de Rellaciones Internacionales, Xosé B. Álvarez, va tar presente nel Parllamentu Européu p'asistir a la conferencia y presentar el programa de radio "Iniciativa pol Asturianu nes ondes" como un exemplu esitosu d'un proyectu basáu na radiodifusión nuna llingua minoritaria y en peligru.
Nesti nuevu programa entamamos contactando col miembru del grupu musical asturianu "Melandru", Álvaro Cueto. Con él afondaremos nel estilu post-rock que faen amás de sentir un canciu del so trabayu discográficu. Tuvimos na sede de l'Academia de la Llingua Asturiana...
Entamamos el programa d'esta selmana cola seición #TVnaRadio col nuesu collaborador, el periodista Damián Barreiro, que mos fai un analís fonderu del nuevu espaciu n'asturianu na televisión autonómica.
Iniciativa pol Asturianu nes ondes emite na so rede d'emisores y del 17 al 24 d’ochobre, un programa que tien por convidáu a Xune Elipe, cantante del grupu musical Dixebra, col que Samuel Gradín charra fonderame de milenta temes.
Nesta entrega nueva d'Iniciativa pol Asturianu nes ondes charramos col célebre ciclista Samuel Sánchez, qu’amosó’l so apoyu a la oficialidá del asturianu. A propósitu de la última polémica sobre l'usu del nuesu idioma nel trabayu alministrativu de los conceyales de Noreña, tarán con nós Inaciu Iglesias, de FAC, y Pablo Pérez Fonseca, de Conceyu Abiertu. Ofrecerán la so opinión al rodiu d'esti asuntu tan llaceriosu. Y otros conteníos...
Parte del equipu d'Alderiques d'Asturies ya Iniciativa pol Asturianu nes ondes tuvo nes aules de los VI Cursos d'Asturianu en Xixón pa esplicar el so proyectu y facer partícipes a los alumnos y alumnes de los cursos d'asturianu.

SÍGUINOS

7,598SiguidoresPréstame
1,297SiguidoresSiguir
5,617SiguidoresSiguir
300soscriptoresSoscríbite

Últimes noticies